'യാത്രകൾ തുടരും' എന്ന കുറിപ്പോടെ പുതിയ വാഹനം വീട്ടിലെത്തിയതിന്റെ സന്തോഷം പങ്കുവച്ച് ഗിന്നസ് പക്രു. ആലുവയിലെ പ്രീ ഓൺഡ് കാർ വിതരണക്കാരായ ലെക്സ് മോട്ടോയിൽ നിന്നാണ് ഗിന്നസ് പക്രു വാഹനം വാങ്ങിയിരിക്കുന്നത്.ബി എം ഡബ്ള്യു 5 സീരീസിന്റെ 2021 മോഡലാണ് പക്രുവിന്റെ ഗാരിജിലെത്തിയ പുതിയ അതിഥി.
അക്കാലയളവിൽ 520 ഡി, 530 ഡി എന്നീ ഡീസൽ വേരിയന്റുകളും 530 ഐ എന്ന പെട്രോൾ വേരിയന്റുമായിരുന്നു കമ്പനി പുറത്തിറക്കിയിരുന്നത്. അതിൽ 520 ഡി എന്ന വേരിയന്റാണ് പക്രു സ്വന്തമാക്കിയിരിക്കുന്നത്.
2.0 ലീറ്റർ 4 സിലിണ്ടർ ഡീസൽ എൻജിനാണ് ബി എം ഡബ്ള്യു 520 ഡി യ്ക്ക് കരുത്തേകുന്നത്. 190 ബി എച്ച് പി പവറും 400 എൻ എം ടോർക്കും ഉൽപാദിപ്പിക്കും ഈ എൻജിൻ. ഇസഡ് എഫ് 8 സ്പീഡ് ഓട്ടോമാറ്റിക് ഗിയർ ബോക്‌സാണ്.
