ബിര്മിംഗ്ഹാം:മൂന്ന് മത്സരങ്ങൾ അടങ്ങിയ ഏകദിന പരമ്പരയിലെ ആദ്യ മത്സരത്തില് ഇംഗ്ലണ്ടിനെതിരെ ഇന്ത്യക്ക് 259 റണ്സ് വിജയലക്ഷ്യം. ടോസ് നേടി ആദ്യം ബാറ്റ് ചെയ്ത ഇംഗ്ലണ്ട് മികച്ച തുടക്കത്തിനുശേഷം 6വിക്കറ്റിന് 107 റൺസിലേക്ക് തകര്ന്നടിഞ്ഞെങ്കിലും ജോ റൂട്ടിന്റെയും ലിയാം ഡോസന്റെയും അര്ധസെഞ്ചുറികളുടെയും സെഞ്ചുറി കൂട്ടുകെട്ടിന്റെയും മികവിൽ 47.5 ഓവറില് 258 റൺസെടുത്തു.
ജോ റൂട്ട് 76 റണ്സുമായി പുറത്താകാതെ നിന്നപ്പോള് ലിയാം ഡോസണ് 68 റണ്സെടുത്തു.
നാലു വിക്കറ്റെടുത്ത അക്ഷര് പട്ടേലും രണ്ട് വിക്കറ്റ് വീതം വീഴ്ത്തിയ ഗുര്നൂര് ബ്രാറും പ്രസിദ്ധ് കൃഷ്ണയുമാണ് ഇന്ത്യക്കായി ബൗളിംഗില് തിളങ്ങിയത്.
