കുറഞ്ഞ വിലയ്ക്ക് ഫോൺ വാങ്ങിയാൽ പെട്ടെന്ന് ഹാങ്ങ് ആകുമെന്നും ചാർജ് നിൽക്കില്ലെന്നുമുള്ള പരാതികൾ ഇനി പഴങ്കഥ. 2026-ലെ സ്മാർട്ട്ഫോൺ വിപണി പത്തായിരം രൂപയിൽ താഴെ വിലയുള്ള ഫോണുകളിലും പ്രീമിയം ഫീച്ചറുകൾ എത്തിച്ചു കഴിഞ്ഞു. 120Hz ഡിസ്പ്ലേ മുതൽ 7000mAh ബാറ്ററി വരെയുള്ള വമ്പൻ ഫീച്ചറുകളുമായി വിപണി കീഴടക്കുന്ന അഞ്ച് മികച്ച ഫോണുകളെ പരിചയപ്പെടാം.
ബാറ്ററി കരുത്തിന്റെ കാര്യത്തിൽ നിലവിൽ മോട്ടോറോളയെ വെല്ലാൻ മറ്റാരുമില്ല. 7000mAh എന്ന കൂറ്റൻ ബാറ്ററിയാണ് ഈ ഫോണിന്റെ പ്രധാന ആകർഷണം. ഇതിനുപുറമെ ഡോൾബി അറ്റ്മോസ് സ്പീക്കറുകളും കൊറില്ല ഗ്ലാസ് സുരക്ഷയും ഈ ഫോണിനെ ഒരു വിനോദ കേന്ദ്രമാക്കി മാറ്റുന്നു.
വില: 9,999 രൂപ
ഗെയിമിംഗിനും സോഷ്യൽ മീഡിയ ഉപയോഗത്തിനും മുൻഗണന നൽകുന്നവർക്ക് പോക്കോ C71 മികച്ച ചോയിസാണ്. ഈ വില നിലവാരത്തിൽ അപൂർവ്വമായ 120Hz ഡിസ്പ്ലേയാണ് ഇതിലുള്ളത്. വല്ലാത്തൊരു സ്മൂത്ത് അനുഭവം ഇത് നൽകുന്നു. 6GB റാം സപ്പോർട്ടും ഇതിനുണ്ട്.
വില: 9,999 രൂപ
ചാർജിംഗിനെക്കുറിച്ച് ആശങ്കയുള്ളവർക്കായി റിയൽമി അവതരിപ്പിക്കുന്ന 'ബാറ്ററി പവർഹൗസ്' ആണിത്. 6300mAh ബാറ്ററിയാണ് ഇതിലുള്ളത്. ദീർഘനേരം സോഷ്യൽ മീഡിയ ഉപയോഗിക്കുന്നവർക്കും യാത്ര ചെയ്യുന്നവർക്കും ഈ ഫോൺ ധൈര്യമായി തിരഞ്ഞെടുക്കാം.
വില: 9,999 രൂപ
വില കുറഞ്ഞാലും ഫീച്ചറുകളിൽ വിട്ടുവീഴ്ച ചെയ്യാത്ത ഫോണാണിത്. വെറും 9,499 രൂപയ്ക്ക് 6GB റാമും 128GB സ്റ്റോറേജും ഇതിൽ ലഭിക്കുന്നു. 50MP ക്യാമറയും 6000mAh ബാറ്ററിയും പൾസ് 2-നെ ഒരു വാല്യൂ ഫോർ മണി ഫോണാക്കി മാറ്റുന്നു.
വില: 9,499 രൂപ
ബ്രാൻഡ് വിശ്വാസ്യതയ്ക്കും മികച്ച സോഫ്റ്റ്വെയർ അനുഭവത്തിനും മുൻഗണന നൽകുന്നവർക്ക് സാംസങ് ഗാലക്സി M07 കണ്ണുംപൂട്ടി വാങ്ങാം. സാംസങ്ങിന്റെ തനതായ 'One UI' ഇന്റർഫേസും 90Hz ഡിസ്പ്ലേയും ഈ ബജറ്റിൽ മികച്ച പെർഫോമൻസ് ഉറപ്പുനൽകുന്നു.
വില: 9,725 രൂപ
കൂറ്റൻ ബാറ്ററിക്ക്: മോട്ടോറോള G06 പവർ
ഡിസ്പ്ലേ സ്മൂത്ത്നെസ്സിന്: പോക്കോ C71
ബ്രാൻഡ് വിശ്വാസ്യതയ്ക്ക്: സാംസങ് M07
മിതമായ വിലയിൽ കൂടുതൽ ഫീച്ചറിന്: Ai+ പൾസ് 2
സ്ഥിരമായ ഉപയോഗത്തിന്: റിയൽമി P4 ലൈറ്റ്
