ഇന്ത്യ സ്പേസ് ഡോക്കിംഗ് ക്ലബ്ലില്. രാജ്യത്തിന്റെ ചരിത്രത്തിലെ ആദ്യ സ്പേസ് ഡോക്കിംഗ് പരീക്ഷണമായ സ്പേഡെക്സ് വിജയകരമായി പൂര്ത്തിയാക്കി. ഡോക്കിംഗ് സങ്കേതിക വിദ്യ സ്വന്തമാക്കുന്ന നാലാമത്തെ രാജ്യമായി ഇന്ത്യ.
ബഹിരാകാശ രംഗത്ത് ഐഎസ്ആര്ഒയ്ക്ക് മറ്റൊരു ചരിത്ര നേട്ടം കൂടി.സ്പേഡെക്സ് ദൗത്യത്തിലെ ചേസര്, ടാര്ഗറ്റ് ഉപഗ്രഹങ്ങള് ബഹിരാകാശത്ത് സംയോഡിപ്പിച്ചു. വിക്ഷേപണത്തിന് ശേഷമുള്ള നാലാം പരിശ്രമത്തിലാണ് ഉപഗ്രഹങ്ങള് ബഹിരാകാശത്ത് കൂട്ടിച്ചേര്ക്കാന് ഐഎസ്ആര്ഒയ്ക്കായത്. ഇന്ത്യയുടെ സ്വന്തം ബഹിരാകാശ നിലയമായ ഭാരതീയ അന്തരീക്ഷ സ്റ്റേഷന് അടക്കമുള്ള പദ്ധതികള്ക്ക് ഇസ്രൊയ്ക്ക് അനിവാര്യമായ സാങ്കേതികവിദ്യയാണ് സ്പേസ് ഡോക്കിംഗ്.
ശ്രീഹരിക്കോട്ടയിലെ സതീഷ് ധവാന് ബഹിരാകാശ കേന്ദ്രത്തില് നിന്ന് ഡിസംബര് 30 നാണ് പിഎസ്എല്വി-സി60 ലോഞ്ച് വെഹിക്കിളില് രണ്ട് സ്പേഡെക്സ് സാറ്റ്ലൈറ്റുകള് വിക്ഷേപിച്ചത്. ചേസര്, ടാര്ഗറ്റ് പേടകങ്ങളാണ് 426 കിലോമീറ്റര് ഉയരത്തിലുള്ള ഭ്രമണപഥത്തില് എത്തിച്ചത്. ജനുവരി 6ന് ഡോക്കിംഗ് നടത്താനായിരുന്നു ഇസ്രൊ ആദ്യം നിശ്ചയിച്ചിരുന്നത്.
സാങ്കേതിക കാരണങ്ങളാല് ഈ ശ്രമം 9-ാം തിയതിയിലേക്ക് നീട്ടിവെച്ചു. ഒന്പതാം തിയതി ചേസര്, ടാര്ഗറ്റ് ഉപഗ്രഹങ്ങള് തമ്മിലുള്ള അകലം 500 മീറ്ററില് നിന്ന് 225 മീറ്ററിലേക്ക് കുറച്ചുകൊണ്ടുവരുന്നതിനിടെ വീണ്ടും സാങ്കേതിക പ്രശ്നം നേരിട്ടതിനാല് ഡോക്കിംഗ് പരീക്ഷണം രണ്ടാമതും നീട്ടി.ഏറെ കരുതലോടെയാണ് ഡോക്കിംഗിനായുള്ള മൂന്നാം ശ്രമം ആരംഭിച്ചത്.
പതിനൊന്നാം തിയ്യതിയിലെ മൂന്നാം പരിശ്രമത്തില് 500 മീറ്ററില് നിന്ന് 230 മീറ്ററിലേക്കും 105 മീറ്ററിലേക്കും 15 മീറ്ററിലേക്കും 3 മീറ്ററിലേക്കും ഇസ്രൊ അനായാസം ഉപഗ്രഹങ്ങളെ കൊണ്ടുവന്നു. ഒടുവില് കാത്തിരിപ്പ് അവസാനിപ്പിച്ച് ഡോക്കിംഗ് പരീക്ഷണം വിജയത്തിലെത്തിലെത്തിച്ചു.
