അമേരിക്കയിലെ കാലിഫോര്ണിയയില് കൊല്ലപ്പെട്ട മലയാളി യുവതികളുടെ മൃതദേഹം ഇന്ന് നാട്ടില് എത്തിക്കും. തിരുവനന്തപുരം കേശവദാസപുരം സ്വദേശി ആന് മേരി മാത്യു , തൃശൂര് മുടിക്കോട് സ്വദേശി അഞ്ജന എന്നിവരുടെ മൃതദേഹമാണ് കൊച്ചി വിമാനത്താവളത്തിലെത്തിക്കുക. അഞ്ജനയുടെ സംസ്കാരം ഇന്നു വൈകിട്ട് വീട്ടുവളപ്പില് നടക്കും.പോസ്റ്റ്മോര്ട്ടം, എംബാം ചെയ്യല്, വിദേശകാര്യ വകുപ്പുകളുടെ ഇമിഗ്രേഷന് നടപടികള് എന്നിവ പൂര്ത്തിയാക്കിയ ശേഷമാണ് മൃതദേഹങ്ങള് ജന്മനാട്ടിലേക്ക് എത്തിക്കുന്നത്. ആഗസ്റ്റ് 28-നാണ് ഇരുവരും കൊല്ലപ്പെട്ടത്. അഞ്ജനയുടെയും ആന്മേരിയുടെയും സുഹൃത്തായ കോട്ടയം സ്വദേശിയായ അനില എന്ന യുവതിയാണ് കൊലപാതകത്തിന് പിന്നില്.
