Share this Article
കേരള ബ്ലാസ്‌റ്റേഴ്‌സിന് കനത്ത തിരിച്ചടി
വെബ് ടീം
posted on 02-06-2023
1 min read
AIFF Committee Reject Appeals From Kerala Blasters FC and Ivan Vukomanovic, Uphold Decision Of Disciplinary Committee

കേരള ബ്ലാസ്‌റ്റേഴ്‌സിന് കനത്ത തിരിച്ചടി. ഐഎസ്എല്ലില്‍ മത്സരം പാതിവഴിയില്‍ ഉപേക്ഷിച്ചതിന് ഏര്‍പ്പെടുത്തിയ പിഴശിക്ഷ കുറയ്ക്കണമെന്നാവശ്യപ്പെട്ടുള്ള ബ്ലാസ്റ്റേഴ്സിന്റെ അപ്പീല്‍ തള്ളി. ബംഗളൂരു എഫ്‌സിയുമായുള്ള മത്സരം പാതി വഴിയില്‍ ഉപേക്ഷിച്ചതിന് നാല് കോടി രൂപയാണ് അഖിലേന്ത്യാ ഫുട്‌ബോള്‍ ഫെഡറേഷന്‍ ബ്ലാസ്റ്റേഴ്‌സിന് പിഴ ചുമത്തിയത്. ഈ പിഴ തുക കുറയ്ക്കണമെന്ന ബ്ലാസ്റ്റേഴ്‌സിന്റെ ആവശ്യം അംഗീകരിക്കാനാകില്ലന്ന് അഖിലേന്ത്യാ ഫുട്‌ബോള്‍ ഫെഡറേഷന്റെ അപ്പീല്‍ കമ്മിറ്റി വ്യക്തമാക്കി. 

മത്സരത്തിനിടെ താരങ്ങളെ തിരിച്ചുവിളിച്ച ബ്ലാസ്റ്റേഴ്‌സ് കോച്ച് ഇവാന്‍ വുകോമനോവിച്ചിന്റെ 10 മത്സരങ്ങളിലെ വിലക്കും 5 ലക്ഷം രൂപ പിഴയും തുടരും. വിലക്ക് നേരിടുന്ന വുകോമനോവിച്ച് രണ്ടാഴ്ചയ്ക്കകം അഞ്ച് ലക്ഷം രൂപ പിഴയൊടുക്കണമെന്നും അപ്പീല്‍ കമ്മിറ്റി വ്യക്തമാക്കിയിട്ടുണ്ട്. മാര്‍ച്ച് മുപ്പത്തിയൊന്നിനാണ് അച്ചടക്കനടപടിയുടെ ഭാഗമായി ബ്ലാസ്റ്റേഴ്സിനും കോച്ചിനും അഖിലേന്ത്യാ ഫുട്‌ബോള്‍ ഫെഡറേഷന്‍ പിഴ ചുമത്തിയത്.

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ കൈക്കുമ്പിളിൽ
Share this Article
Related Stories