തൃശ്ശൂര്: തന്റെ പുതിയ ആല്ബം 'മോണോലോവ' നാളെ റിലീസ് ചെയ്യുമെന്ന് റാപ്പര് വേടന്. എല്ലാവരും കേട്ടിട്ട് അഭിപ്രായം പറയണേ എന്നും തെളിവെടുപ്പിനിടെ വേടൻ പറഞ്ഞു.
അതേസമയം പുലിപ്പല്ല് കൈവശം വച്ചെന്ന കേസിൽ റാപ്പർ വേടൻ വനം വകുപ്പിൻ്റെ കസ്റ്റഡിയിലാണ്. രണ്ട് ദിവസത്തെ കസ്റ്റഡി അപേക്ഷ കോടതി അംഗീകരിച്ചു.കൊച്ചിയിലെ ഫ്ലാറ്റിലും തൃശൂരിലെ ജ്വല്ലറിയിലും വേടനുമായി തെളിവെടുപ്പ് നടത്തും. തൃശൂരിലെ ജ്വല്ലറിയിൽ വച്ചാണ് പുലിപ്പല്ലുകൊണ്ട് ലോക്കറ്റ് നിർമിച്ചത്.ജാമ്യാപേക്ഷ മെയ് രണ്ടിന് പരിഗണിക്കും. മൃഗവേട്ടയടക്കമുള്ള വകുപ്പുകൾ ചുമത്തി കേസെടുത്തതിനു പിന്നാലെ ഇന്ന് വനംവകുപ്പ് വേടനെ അറസ്റ്റ് ചെയ്തിരുന്നു.
