അല്ലു അര്ജുന് ചിത്രം പുഷ്പ 2വിന്റെ റിലീസിനോട് അനുബന്ധിച്ച് ഹൈദരാബാദിലെ സന്ധ്യ തിയറ്ററില് തിക്കിലും തിരക്കിലും പെട്ട് ഒരു സ്ത്രീ മരിച്ചു. പ്രീമിയര് ഷോയ്ക്ക് എത്തിയ അല്ലു അര്ജുനെ കാണാന് ഉന്തും തള്ളുമുണ്ടായി. ഇതിനിടയില്പെട്ടാണ് യുവതി ശ്വാസം മുട്ടി മരിച്ചത്.
സിനിമാ റിലീസിന്റെ ഭാഗമായി ആരാധകരുടെ വലിയനിര തന്നെ തിയറ്ററിനു മുന്നില് തടിച്ചുകൂടിയിരുന്നു. ഇതിനിടെ അപ്രതീക്ഷിതമായി അല്ലു അര്ജുനും സംവിധായകന് സുകുമാറും തിയറ്ററിലെത്തി. ഇതോടെ ആരാധകരുടെ ആവേശം കൂടി. ജനക്കൂട്ടത്തെ നിയന്ത്രിക്കാവാതെ വന്നതോടെ പോലീസ് ലാത്തിവീശുകയും ചെയ്തു. ഇതേ തുടര്ന്നുണ്ടായ സംഘര്ഷമാണ് അപകടത്തില് കലാശിച്ചത്.
