ന്യൂഡൽഹി: ചെന്നൈ സൂപ്പർ കിങ്സ് പേസർ ഖലീൽ അഹമ്മദിന് ഐപിഎല്ലിലെ ബാക്കി മത്സരങ്ങൾ നഷ്ടമാകും. ക്വാഡ്രിസെപ്സ് പേശിക്കേറ്റ പരിക്കാണ് താരത്തിന് വില്ലനായത്. ഏപ്രിൽ 14-ന് കൊൽക്കത്ത നൈറ്റ് റൈഡേഴ്സിനെതിരേ നടന്ന മത്സരത്തിനിടെയാണ് ഖലീലിന് പരിക്കേറ്റത്.
പരിശോധനയിൽ ഗ്രേഡ് 2 ടിയർ ആണെന്ന് കണ്ടെത്തിയിട്ടുണ്ട്. പരിക്ക് ഭേദമാകാൻ കുറഞ്ഞത് 10 മുതൽ 12 ആഴ്ച വരെ സമയം എടുക്കും. സിഎസ്കെയ്ക്ക് വേണ്ടി കളിച്ച അഞ്ച് മത്സരങ്ങളിലും മികച്ച പ്രകടനം പുറത്തെടുത്ത ഖലീലിന്റെ അഭാവം ടീമിന് വലിയ തിരിച്ചടിയാകും.
