ഇന്ത്യയുടെ ഹോക്കി ടീമിന്റെ നീലനിറമുള്ള ജേഴ്സി ഇനിയില്ല. പരമ്പരാഗതമായ നീല ജേഴ്സി മാറ്റി ഇനി മുതൽ കാവി നിറത്തിലുള്ള ജേഴ്സി ആയിരിക്കും ഇന്ത്യ ധരിക്കുക. പുതിയ ജേഴ്സിക്കായി മറ്റ് പല നിറങ്ങളും പരിഗണിച്ച ശേഷമാണ് കാവി തിരഞ്ഞെടുത്തതെന്ന് ഫെഡറേഷന് വ്യക്തമാക്കി. 2014 ലോകകപ്പില് മഞ്ഞ ആയിരുന്നു ടീമിന്റെ ജേഴ്സിയുടെ നിറം. പിന്നീട് അത് നീലയാക്കുകയും ആയിരുന്നു. അത് ശേഷമാണ് ഇപ്പോൾ കവി നിറത്തിലേക്ക് മാറ്റിയിരിക്കുന്നത്. ഇന്ത്യ നീല നിറം സ്വീകരിച്ചതോടെ അന്താരാഷ്ട്ര തലത്തിൽ 'മെൻ ഇൻ ബ്ലൂ' (Men in Blue) എന്ന പേരിൽ ഇന്ത്യൻ ടീമുകൾക്ക് തനതായ ഒരു വ്യക്തിത്വം ലഭിച്ചിരുന്നു.ഇന്ത്യൻ ദേശീയ പതാകയുടെ മധ്യത്തിലുള്ള അശോകചക്രത്തിന്റെ നിറമായതിനാലാണ് ഇന്ത്യൻ കായിക ടീമുകൾ തങ്ങളുടെ പ്രധാന ജേഴ്സി നിറമായി നീല (Bleed Blue) തിരഞ്ഞെടുത്തത്. ദേശീയ പതാകയിലെ കാവി, വെള്ള, പച്ച എന്നീ മൂന്ന് നിറങ്ങൾ ഒഴിവാക്കിയാണ് ഈ തീരുമാനം എടുത്തത്.അതിനുള്ള പ്രധാന കാരണങ്ങൾ താഴെ പറയുന്നവയാണ്:
ദേശീയ പതാകയിലെ നിറങ്ങളുമായി ബന്ധപ്പെട്ട നിയമങ്ങൾ കായിക ജേഴ്സികളിൽ ദേശീയ പതാകയുടെ പ്രധാന നിറങ്ങൾ (പ്രത്യേകിച്ച് കാവിയും പച്ചയും) ഉപയോഗിക്കുന്നത് രാഷ്ട്രീയമോ മതപരമോ ആയ അർത്ഥതലങ്ങൾ നൽകിയേക്കാം എന്ന ആശങ്ക ആദ്യകാലങ്ങളിൽ ഉണ്ടായിരുന്നു.കൂടാതെ, പതാകയിലെ വെള്ള നിറം കായികതാരങ്ങളുടെ ജേഴ്സിക്ക് വേഗത്തിൽ അഴുക്കാകാൻ സാധ്യതയുള്ളതിനാൽ പ്രായോഗികമല്ലായിരുന്നു.അതിനാൽ, പതാകയുടെ മധ്യത്തിൽ തിളങ്ങിനിൽക്കുന്ന അശോകചക്രത്തിന്റെ നാവിക നീല (Navy Blue) നിറം രാജ്യത്തെ പ്രതിനിധീകരിക്കാൻ ഏറ്റവും അനുയോജ്യമായി അധികൃതർ തിരഞ്ഞെടുത്തു.
അതേ സമയം കാവി നിറത്തിലുള്ള കിറ്റ് അവതരിപ്പിക്കാനുള്ള ഹോക്കി ഇന്ത്യയുടെ തീരുമാനത്തെ രൂക്ഷമായി വിമർശിച്ച് മുൻ താരം വിരെൻ റസ്ക്വിന. ഈ നീക്കം അമ്പരപ്പുണ്ടാക്കുന്നതാണെന്ന് അദ്ദേഹം പറഞ്ഞു. അർജന്റീനയുടെ ഫുട്ബോൾ ടീം അവരുടെ ഐക്കണിക് ജേഴ്സിയുടെ നിറം മാറ്റുമോ എന്ന് ചോദിച്ചുകൊണ്ട് അദ്ദേഹം ഈ തീരുമാനത്തിന്റെ യുക്തിയെ ചോദ്യം ചെയ്തു.പതിറ്റാണ്ടുകളായുള്ള ഇന്ത്യൻ ഹോക്കിയുടെ സ്വത്വവും പാരമ്പര്യവും തകർക്കുന്ന ഒന്നാണ് ഈ മാറ്റമെന്നും ഇത് ആരാധകർക്ക് വലിയ നിരാശയുണ്ടാക്കുമെന്നും അദ്ദേഹം അഭിപ്രായപ്പെട്ടു. ഇന്ത്യൻ ടീമിന്റെ പൈതൃകവും അടയാളവും എപ്പോഴും നീല നിറമാണെന്നും, വർഷങ്ങളോളം താൻ നീല ജേഴ്സി അഭിമാനത്തോടെ ധരിച്ചിട്ടുണ്ടെന്നും അദ്ദേഹം പറഞ്ഞു. ആരാധകർ ഇന്ത്യൻ ടീമിനെ നീല നിറത്തിൽ കാണാനാണ് ആഗ്രഹിക്കുന്നതെന്നും അദ്ദേഹം എക്സിൽ കുറിച്ചു. ഹോക്കി ഇന്ത്യ മുൻപ് പല നല്ല കാര്യങ്ങളും ചെയ്തിട്ടുണ്ടെങ്കിലും ഈ തീരുമാനം നിരാശാജനകമാണെന്ന് അദ്ദേഹം വ്യക്തമാക്കി.
