ബ്രസല്സ്: ബെല്ജിയം ഇതിഹാസ താരം റൊമേലു ലുകാകു അന്താരാഷ്ട്ര ഫുട്ബോളില് നിന്നു വിരമിച്ചു. ബെല്ജിയത്തിനായി ഏറ്റവും കൂടുതല് ഗോളുകള് നേടിയ താരമെന്ന അനുപമ റെക്കോര്ഡുമായാണ് 33കാരന് ബൂട്ടഴിക്കുന്നത്.
രാജ്യത്തിനായി 135 മത്സരങ്ങള് താരം കളിച്ചു. 16 വര്ഷം നീണ്ട ഐതിഹാസിക കരിയറിനാണ് ലുകാകു വിരാമം കുറിച്ചത്. ബെല്ജിയത്തിന്റെ സുവര്ണ തലമുറയിലെ നിര്ണായക താരമായിരുന്നു ലുകാകു.
'ബെല്ജിയം ജേഴ്സിയിലെ അന്താരാഷ്ട്ര കരിയര് ഇവിടെ വച്ച് അവസാനിപ്പിക്കുകയാണ്. ഈ തീരുമാനത്തില് ഞാന് പൂര്ണ തൃപ്തനാണ്. ഇതൊരു അവിസ്മരണീയ യാത്രയായിരുന്നു. ഏറെ ആസ്വദിച്ച നിമിഷങ്ങള്. ഞാന് അങ്ങേയറ്റം കൃതജ്ഞതയുള്ളവനായിരിക്കും'- താരം വിരമിക്കല് കുറിപ്പില് വ്യക്തമാക്കി.