ഒരു ടി20 ലോകകപ്പില് ഏറ്റവും കൂടുതല് സിക്സുകള് നേടുന്ന താരമായി സഞ്ജു സാംസണ്. ഈ ലോകകപ്പില് അഞ്ച് മത്സരങ്ങള് മാത്രം കളിച്ച സഞ്ജു 24 സിക്സുകളാണ് നേടിയത്. ഇത്രയും സിക്സുകള് ഒരു ലോകകപ്പിലും ഒരു താരവും നേടിയിട്ടില്ല. ന്യൂസിലന്ഡിന്റെ ഫിന് അലന് രണ്ടാം സ്ഥാനത്താണ്. 20 സിക്സുകളാണ് അലന് നേടിയത്. അതെസമയം അന്താരാഷ്ട്ര ട്വന്റി20 ലോകകപ്പില് ഇന്ത്യന് ഇതിഹാസം വിരാട് കോലിയുടെ 12 വര്ഷം പഴക്കമുള്ള റെക്കോര്ഡ് മറികടന്ന് സഞ്ജു സാംസണ്.
ഒരു ലോകകപ്പ് പതിപ്പില് ഏറ്റവും കൂടുതല് റണ്സ് നേടുന്ന ഇന്ത്യന് താരമായിരിക്കുയാണ് സഞ്ജു. അഞ്ച് മത്സരങ്ങളില് നിന്ന് 321 റണ്സാണ് സഞ്ജു നേടിയത്. ന്യൂസിലന്ഡിനെതിരെ ഫൈനലില് 46 പന്തില് 89 റണ്സാണ് നേടിയത്. ഇതോടെയാണ് കോലിയെ മറികടക്കാന് സഞ്ജുവിന് സാധിച്ചത്. 2014 ലോകകപ്പില് 319 റണ്സ് കോലി നേടിയിരുന്നു. . ഒമ്പത് മത്സരങ്ങളില് 317 റണ്സ് നേടിയ കിഷനാണ് രണ്ടാം സ്ഥാനത്ത്. 77 റണ്സാണ് കിഷന്റെ ഉയര്ന്ന സ്കോര്.
