ഇന്ത്യ ഇംഗ്ലണ്ട് ടി20 പരമ്പരയ്ക്ക് ഇന്ന് തുടക്കം. രാത്രി ഏഴുമണിക്ക് കൊല്‍ക്കത്തയിലെ ഈഡന്‍ ഗാര്‍ഡനിലാണ് ആദ്യ മത്സരം. ഇടവേളയ്ക്ക് ശേഷം ടീമില്‍ തിരിച്ചെത്തിയ മുഹമ്മദ് ഷമിയും മലയാളി താരം സഞ്ജു സാംസണുമാണ് മത്സരത്തിൽ ശ്രദ്ധാകേന്ദ്രം.
അഞ്ചുമത്സരങ്ങളുള്ള പരമ്പരയിലെ ആദ്യമത്സരമാണ് കൊല്‍ക്കത്തയില്‍ നടക്കുന്നത്. ടി20യിലെ ആധിപത്യം തുടരാനുറച്ച് ഇന്ത്യയിറങ്ങുമ്പോള്‍ സൂര്യകുമാര്‍ യാദവിന് കീഴില്‍ മികച്ച ടീമാണ് അണിനിരക്കുന്നത്. ഇടവേശളയ്ക്ക് ശേഷം ടീമില്‍ തിരിച്ചെത്തിയ മുഹമ്മദ് ഷമിയും മലയാളി താരം സഞ്ജു സാംസണുമാണ് ടീമില്‍ ശ്രദ്ധാകേന്ദ്രം.
ഷമി പേസ് നിരയില്‍ കരുത്താകുമ്പോള്‍ സഞ്ജു സാംസണ് അഭിഷേക് ശര്‍മയ്‌ക്കൊപ്പം ഓപ്പണിങ്ങില്‍ പ്രതീക്ഷ നല്‍കുന്നു. സൂര്യകുമാര്‍ യാദവ് റിങ്കുസിങ് ഉള്‍പ്പെടെ താരങ്ങളും സ്‌കോര്‍ ഉയര്‍ത്തുന്നതില്‍ നിര്‍ണായകമാകും. ഹര്‍ദിക് പാണ്ഡ്യയും അക്‌സര്‍ പട്ടേലും ഓള്‍റൗണ്ട് നിര കാക്കും.ബൗളിങ്ങില്‍ അര്‍ഷ്ദീപ് സിംഗ് വരുണ്‍ ചക്രവര്‍ത്തി തുടങ്ങിയ താരങ്ങളും ഇന്ത്യയ്ക്ക് പ്രതീക്ഷ നല്‍കുന്നു.
ജോസ് ബട്‌ലര്‍ നയിക്കുന്ന ഇംഗ്ലണ്ട് നിരയില്‍ ബെന്‍ ഡക്കറ്റ് പില്‍ സാള്‍ട്ട്, ലിവിങ്സ്റ്റണ്‍ തുടങ്ങിയ താരങ്ങളാണ് ബാറ്റിങ്ങില്‍ കരുത്തേകും. ജോഫ്ര ആര്‍ച്ചര്‍, ആദില്‍ റഷീദ്, മാര്‍ വുഡ് ഉള്‍പ്പെടെ മികച്ച ബൗളിങ്ങ് നിരയും ഇംഗ്ലണ്ടിനുണ്ട്. ബാറ്റിങ്ങിന് അനുകൂലമായ പിച്ചില്‍ ഇരുടീമും ഏറ്റുമുട്ടുമ്പോള്‍ മികച്ച മത്സരം പ്രതീക്ഷിക്കുകയാണ് ആരാധകരും.
