രഞ്ജി ട്രോഫിയില്‍ ഇന്ന് കേരളം ഉത്തര്‍പ്രദേശിനെ നേരിടും. തിരുവനന്തപുരം, തുമ്പ സെന്റ് സേവിയേഴ്‌സ് ഗ്രൗണ്ടിലാണ് മത്സരം. കഴിഞ്ഞ മത്സരത്തില്‍ കേരളവും ബംഗാളും തമ്മിലുള്ള മത്സരം സമനിലയിലാണ് അവസാനിച്ചത്.
ഇതുവരെയുള്ള കളികളില്‍ നിന്ന് 8 പോയിന്റുകളുമായി കേരളം മൂന്നാം സ്ഥാനത്താണ്. ഉത്തര്‍പ്രദേശ് 5 പോയിന്റുകളുമായി അഞ്ചാം സ്ഥാനത്തുണ്ട്.
അവസാനം തുമ്പയില്‍ വെച്ച് നടന്ന രഞ്ജി മത്സരത്തില്‍ പഞ്ചാബിനെതിരെ കേരളം വിജയിച്ചിരുന്നു. പിയൂഷ് ചൗള, പ്രിയം ഗാര്‍ഗ് തുടങ്ങിയ മുന്‍ ഇന്ത്യന്‍ ടീം അംഗങ്ങളാണ് ഉത്തര്‍പ്രദേശിന്റെ പ്രമുഖ താരങ്ങള്‍.
