ഐഎസ്എല്ലിൽകേരള ബ്ലാസ്റ്റേഴ്സിന് ഇന്ന് നിര്‍ണായക മത്സരം.ചെന്നൈയിൻ എഫ് സിയാണ് എതിരാളികൾ.കൊച്ചിയില്‍ രാത്രി എഴരയ്ക്കാണ് മത്സരം.തുടര്‍ച്ചയായ മൂന്നു തോല്‍വിക്കു ശേഷമാണ് കേരള ബ്ലാസ്റ്റേഴ്സ് ഇന്നിറങ്ങുന്നത്.സീസണില്‍ എട്ട് മത്സരം പൂര്‍ത്തിയായപ്പോള്‍ എട്ടു പോയിന്റുമായി 10 -ാം സ്ഥാനത്താണ് ബ്ലാസ്റ്റേഴ്സ്.
രണ്ടു ജയവും രണ്ടു സമനിലയും നാലു തോല്‍വിയുമാണ് കേരള ബ്ലാസ്റ്റേഴ്‌സിൻ്റെ ഇതുവരെയുള്ള പ്രകടനം.അതുകൊണ്ട് തന്നെ ബ്ലാസ്റ്റേഴ്സിന് ഇന്നത്തെ മത്സരം നിര്‍ണായകമാണ്.എട്ടു മത്സരങ്ങളില്‍ നിന്ന് 12 പോയിന്റുമായി നാലാം സ്ഥാനത്താണ് ചെന്നൈയിന്‍ എഫ് സി.
