ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിന് വീണ്ടും തോല്‍വി. ഹൈദരാബാദ് എഫ്‌സിയോട് 2-1നാണ് കൊച്ചിയിൽ ബ്ലാസ്റ്റേഴ്സ് തോല്‍വി വഴങ്ങിയത്. ഹൈദരാബാദിനായി ആന്ദ്രെ ആല്‍ബ ഇരട്ടഗോള്‍ നേടി. 13ാം മിനിറ്റില്‍ ഹെസൂസ് ഹിമെനെയാണ് ബ്ലാസ്‌റ്റേഴ്‌സിനായി ഗോള്‍ നേടിയത്.
രണ്ട് പകുതികളിലും നിരവധി അവസരങ്ങള്‍ ലഭിച്ചിട്ടും ഗോളാക്കാന്‍ മഞ്ഞപ്പടയ്ക്ക് കഴിഞ്ഞില്ല. ഇതോടെ എട്ട് മത്സരങ്ങളില്‍ നിന്ന് രണ്ട് ജയം മാത്രമായി പത്താം സ്ഥാനത്താണ് ബ്ലാസ്റ്റേഴ്സ്. ഏഴുമത്സരങ്ങളില്‍ നിന്ന് രണ്ട് ജയത്തോടെ പതിനൊന്നാം സ്ഥാനത്താണ് ഹൈദരാബാദ്.
