ബംഗ്ലാദേശിനെതിരായ ചെന്നൈ ക്രിക്കറ്റ് ടെസ്റ്റില്‍ ഇന്ത്യക്ക് മേല്‍ക്കൈ. മൂന്നാം ദിനമായ ഇന്ന് മൂന്ന് വിക്കറ്റിന് 81 എന്ന നിലയില്‍ ഇന്ത്യ ബാറ്റിംഗ് പുനരാരംഭിക്കും. 33 റണ്‍സുമായി ശുഭ്മാന്‍ ഗില്ലും 12 റണ്‍സോടെ ഋഷഭ് പന്തുമാണ് ക്രീസില്‍.
ആതിഥേയര്‍ക്ക് ഇപ്പോള്‍ 308 റണ്‍സിന്റെ ലീഡുണ്ട്. നേരത്തെ ബംഗ്ലാദേശിന്റെ ഒന്നാം ഇന്നിംഗ്‌സ് 149 റണ്‍സിന് അവസാനിച്ചിരുന്നു. നാല് വിക്കറ്റ് വീഴ്ത്തിയ ജസ്പ്രീത് ബുംറയാണ് ബംഗ്ലാദേശിന്റെ നടുവൊടിച്ചത്.
മുഹമ്മദ് സിറാജ്, രവീന്ദ്ര ജഡേജ, ആകാശ് ദീപ് എന്നിവര്‍ രണ്ട് വിക്കറ്റ് വീതം നേടി. ബംഗ്ലാദേശിനെ ഫോളോ ഓണ്‍ ചെയ്യിക്കാതെ ഇന്ത്യ വീണ്ടും ബാറ്റിംഗിന് ഇറങ്ങുകയായിരുന്നു.
