തിരുവനന്തപുരം: ശശി തരൂർ എംപി തിരുവനന്തപുരത്ത് സ്വകാര്യ ഹോട്ടലിലെ ലിഫ്റ്റിൽ കുടുങ്ങി. പിഎംജിയിലെ 'പ്രശാന്ത്’ എന്ന ഹോട്ടലിലെ ആറാംനിലയിലെ ലിഫ്റ്റിലാണ് തരൂർ കുടുങ്ങിയത്. ഹോട്ടലിൽ ഒരു പരിപാടിയിൽ പങ്കെടുക്കാനെത്തിയതായിരുന്നു തരൂർ.തരൂർ ലിഫ്റ്റിൽ കുടുങ്ങിയ വിവരം അറിഞ്ഞതോടെ, ഫയർഫോഴ്സ് സ്ഥലത്തെത്തി. പതിനഞ്ചുമിനിറ്റോളം കുടുങ്ങിക്കിടന്ന തരൂരിനെയും സംഘത്തെയും പിന്നീട് ലിഫ്റ്റിന്റെ വാതിൽ അകത്തി പുറത്തിറക്കി. അധികഭാരത്തെ തുടർന്നാണ് ലിഫ്റ്റ് നിന്നു പോയതെന്നാണ് വിവരം.
എല്ലാവരും ഓക്കേ ആണെന്നും ആർക്കും ഒന്നും സംഭവിച്ചില്ലെന്നും പുറത്തെത്തിയ ശേഷം തരൂർ പറഞ്ഞു. ഇംഗ്ലീഷിൽ സ്റ്റക്ക് എന്ന് പറയും. ക്ലോസ്ട്രോഫോബിയ എന്നും പറയാം. എനിക്ക് ക്ലോസ്ട്രോഫോബിയ വന്നില്ല. ചിലർക്ക് വരാറുണ്ടെന്നും അദ്ദേഹം പറഞ്ഞു.
ഹോട്ടൽ ജീവനക്കാർക്ക് ഒന്നും ചെയ്യാൻ കഴിയാതിരുന്നതോടെയാണ് ഫയർഫോഴ്സിനെ വിളിച്ചത്.
