ഐ എസ് എല് ഫുട്ബോളില് ആദ്യ ജയം തേടി കേരള ബ്ലാസ്റ്റേഴ്സ് ഇന്നിറങ്ങും. ഈസ്റ്റ് ബംഗാളാണ് എതിരാളികള്. രാത്രി 7.30 ന് കൊച്ചി കലൂര് സ്റ്റേഡിയത്തിലാണ് മത്സരം. അസുഖ ബാധിതനായതിനാല് ക്യാപ്റ്റന് അഡ്രിയന് ലൂണ ബ്ലാസ്റ്റേഴ്സ് നിരയില് ഉണ്ടാകില്ല.
വൈസ് ക്യാപ്റ്റന് മിലോസ് ഡ്രിന്സിച്ചായിരിക്കും ടീമിനെ നയിക്കുക. കഴിഞ്ഞ സീസണ് വരെ ബ്ലാസ്റ്റേഴ്സിന്റെ സ്റ്റാര് സ്ട്രൈക്കറായിരുന്ന ദിമിത്രിയോസ് ഡയമന്റക്കോസ്,ഇത്തവണ ഈസ്റ്റ് ബംഗാളിന് വേണ്ടി ഇറങ്ങുന്നു എന്നതാണ് സവിശേഷത.
ഐ എസ് എല്ലിലെ ആദ്യ മത്സരത്തില് പഞ്ചാബ് എഫ്.സിയോട് 2-1 ന് ബ്ലാസ്റ്റേഴ്സ് പരാജയപ്പെട്ടിരുന്നു.
