തിരുവനന്തപുരം:കാപ്പ കേസില് ജയിലില് കഴിയുന്ന ബിജെപി കൗണ്സിലര് ആര് സുഗതന് അവധി. സുഗതന്റെ അവധി അപേക്ഷ കൗണ്സില് അംഗീകരിച്ചു. ആറ് മാസം കൗണ്സിലിൽ ഹാജരാകാതിരിക്കുന്നതിനാണ് അനുമതി. രണ്ട് സ്വതന്ത്രരുടെ പിന്തുണയിലാണ് പാസാക്കിയത്.51 പേർ അവധി അപേക്ഷ പിന്താങ്ങി പാസ്സാക്കിയതായി മേയർ വിവി രാജേഷ് അറിയിച്ചു.
പൗണ്ട് കടവ് വാർഡിൽ നിന്ന് ജയിച്ച സുധീഷ് ബിജെപിക്ക് പിന്തുണ പ്രഖ്യാപിച്ചു. കോൺഗ്രസ് വിമതനായി മത്സരിച്ചതാണ് സുധീഷ്.
വിയ്യൂർ സെൻട്രൽ ജയിലിൽ കഴിയുന്ന ബിജെപി കൗൺസിലർ സുഗതൻ ജയിൽ സൂപ്രണ്ട് മുഖേനയാണ് അവധി അറിയിച്ചത്. ആറുമാസത്തേക്ക് ഹാജരാകാൻ കഴിയില്ല എന്നാണ് അറിയിച്ചിട്ടുള്ളത്.അത് അംഗീകരിക്കുന്നു എന്ന് മേയർ വി വി രാജേഷ് കൗൺസിലിനെ അറിയിച്ചു. പൗണ്ട് കടവ് വാർഡ് കൗൺസിലർ സുധീഷ് ഉൾപ്പെടെ 51 പേർ കൈ ഉയർത്തി അവധി അപേക്ഷ അംഗീകരിച്ചു എന്ന് മേയർ. തുടർന്ന് നഗരസഭ അവധി അനുവദിച്ചു.
