തിരുവനന്തപുരം കല്ലറയില്‍ സ്വകാര്യബസ്സില്‍ നിന്ന് റോഡിലേക്ക് തെറിച്ചുവീണുണ്ടായ അപകടത്തില്‍ സ്ത്രീയ്ക്ക് പരിക്ക്. പാലോട് സ്വദേശി ഷൈലജയ്ക്കാണ് പരിക്കേറ്റത്. സ്വകാര്യ ബസ്സില്‍ നിന്ന് റോഡിലേക്ക് തെറിച്ചുവീണ ഷൈലജയുടെ താടിയെല്ല് പൊട്ടിയിരുന്നു. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നു.
ഇന്നലെ വൈകുന്നേരം നാലു മണിയോടെ കല്ലറ മരുതമണ്‍ ജംഗ്ഷനിലായിരുന്നു അപകടം. ബസ്സിന്റെ പിന്‍വശത്ത് ഡോറില്‍ നില്‍ക്കുകയായിരുന്നു ഷൈലജ. വളവ് കഴിഞ്ഞപ്പോള്‍ ഇവര്‍ റോഡിലേക്ക് തെറിച്ചു വീഴുകയായിരുന്നു. പരിക്കേറ്റ ഷൈലജയെ ഉടന്‍ തന്നെ മെഡിക്കല്‍ കോളേജ് ആശുപത്രിയില്‍ എത്തിച്ചു.
