കോഴിക്കോട് തിരുവമ്പാടിയിൽ പുള്ളിപ്പുലിയെ ചത്ത നിലയിൽ കണ്ടെത്തി. മുത്തപ്പൻ പുഴയിലാണ് സംഭവം. നാലു വയസ്സു പ്രായമുള്ള പുള്ളിപ്പുലിയെയാണ് ചത്ത നിലയിൽ കണ്ടെത്തിയത്. ഇന്ന് പുലർച്ചെ നാട്ടുകാരാണ് പുള്ളിപ്പുലിയുടെ ജഡം കണ്ടെത്തിയത്. തുടർന്ന് നാട്ടുകാർ വനം വകുപ്പ് അധികൃതരെ വിവരം അറിയിക്കുകയായിരുന്നു. വനം വകുപ്പ് അധികൃതരാണ് പ്രായം അടക്കമുള്ള കാര്യങ്ങൾ സ്ഥിരീകരിച്ചത്. പുള്ളിപ്പുലിയുടെ ജഡത്തിൽ മുള്ളുകൾ തറച്ചിട്ടുണ്ട്. മുള്ളൻ പന്നിയുടെ ആക്രമണത്തിലാണ് പുള്ളിപ്പുലി ചത്തത് എന്നാണ് പ്രാഥമിക നിഗമനം.
