ഇടുക്കി പീരുമേട്ടിൽ ദേശീയപാതയോരത്ത് സ്കൂളിനു മുന്നിൽ ബസ് കാത്തുനിന്ന വിദ്യാർത്ഥികൾക്ക് സമീപത്തേക്ക് കാട്ടാന പാഞ്ഞെടുത്തു.
കുട്ടികൾ സ്കൂൾ വളപ്പിലേക്ക് ഓടി രക്ഷപ്പെടുകയായിരുന്നു. പീരുമേട് മരിയ ഗിരി സ്കൂളിന് മുമ്പിലായിരുന്നു സംഭവം.സമീപത്തെ കാട്ടിൽ നിന്ന് ആന റോഡിലേക്ക് ഇറങ്ങി വരുമ്പോൾ കുട്ടികളിൽ ചിലർ ബസ് കാത്തുനിൽക്കുകയായിരുന്നു.
ആനയെ കണ്ടതോടെ കുട്ടികൾ പരിഭ്രാന്തരായി ഓടി. ഈ സമയം ദേശീയപാതയിലൂടെ വാഹനങ്ങൾ കടന്നുപോയതിനാൽ കാട്ടാനയുടെ വേഗം കുറഞ്ഞതും രക്ഷയായി. ആന തട്ടാത്തികാനം ഭാഗത്തെ യൂക്കാലി തോട്ടത്തിലേക്ക് പോയി.
