തൃശൂർ പെരുമ്പിലാവ് കരിക്കാട് ബൈക്കുകൾ കൂട്ടിയിടിച്ച് ഉണ്ടായ അപകടത്തിൽ 2 പേർക്ക് പരിക്കേറ്റു. പെരുമ്പിലാവ് പരുവക്കുന്ന് സ്വദേശി ഹിലാൽ, കരിക്കാട് സ്വദേശി രാജൻ എന്നിവർക്കാണ് പരിക്കേറ്റത്.
കരിക്കാട് സെന്റ് ജോർജ് പള്ളിക്കു മുമ്പിൽ വെച്ചാണ് അപകടമുണ്ടായത്. പള്ളി സെക്രട്ടറിയായ രാജൻ ബൈക്കിൽ പള്ളിയിലേക്ക് തിരിയുന്നതിനിടെ ആയിരുന്നു അപകടം. ഇതിനിടെ പെരുമ്പിലാവ് ഭാഗത്തുനിന്ന് ചിറക്കൽ ഭാഗത്തേക്ക് ഭക്ഷണം വിതരണം ചെയ്യാനായി പോയിരുന്ന ഹിലാലിന്റെ ബൈക്കും തമ്മിൽ കൂട്ടിയിടിച്ചാണ് അപകടം ഉണ്ടായത്.
അപകടത്തിൽ പരിക്കേറ്റ ഇരുവരെയും കുന്നംകുളം മലങ്കര ആശുപത്രിയിലെ പ്രവേശിപ്പിച്ചു. അപകടത്തിൽ ഇരുവാഹനങ്ങൾക്കും കേടുപാടുകൾ സംഭവിച്ചു. കുന്നംകുളം പോലീസ് തുടർനടപടികൾ സ്വീകരിച്ചു.
