വാഹനത്തിൽ കടത്തുകയായിരുന്ന 30 ചാക്ക് ഹാൻസുമായി യുവാവ് തൃശ്ശൂർ വടക്കാഞ്ചേരി പോലീസിൻ്റെ പിടിയിൽ. പുലർച്ചെ നടത്തിയ വാഹന പരിശോധനക്കിടയിലാണ് വൻതോതിലുള്ള ലഹരി വസ്തുക്കൾ പിടികൂടിയത്.
അങ്കമാലിയിൽ നിന്നും ഒറ്റപ്പാലത്തേക്ക് കടത്തുകയായിരുന്ന 30 ചാക്ക് നിരോധിത പുകയില ഉത്പന്നമായ ഹാൻസ് ആണ് പിടിച്ചെടുത്തത്.അനധികൃത ലഹരി കടത്തുമായി ബന്ധപ്പെട്ട് മലപ്പുറം സ്വദേശി 37 വയസുള്ള അബ്ദുൾ നിഷാദിനെ പോലീസ് കസ്റ്റടിയിലെടുത്തു.
