മലപ്പുറം എടവണ്ണയില്‍ അഞ്ച് ടണ്‍ റബ്ബര്‍ ഷീറ്റ് മോഷണം പോയ കേസില്‍ രണ്ട് പേര് അറസ്റ്റില്‍. ഡ്രൈവര്‍മാരായ കുറ്റിപ്പുറം സ്വദേശി അനീഷ്, കാസര്‍ഗോഡ് സ്വദേശി ഉണ്ണികൃഷ്ണന്‍ എന്നിവരാണ് പിടിയിലായത്.
കരുവാരക്കുണ്ടില്‍ നിന്നും എടവണ്ണയിലെത്തിയ വാഹനത്തിലെ 10 ലക്ഷം രൂപ വിലമതിക്കുന്ന 5 ടണ്‍ റബ്ബര്‍ ഷീറ്റാണ് പ്രതികള്‍ മോഷ്ടിച്ച് കടത്തിയത്.തിങ്കളാഴ്ചയാണ് കേസിനാസ്പദമായ സംഭവം. റബ്ബര്‍ ഷീറ്റുമായി വന്ന വാഹനത്തിലെ ഡ്രൈവര്‍മാരുടെ സഹായത്തോടെയാണ് മോഷണം നടത്തിയതെന്ന് പൊലീസ് പറഞ്ഞു. കേസില്‍ രണ്ടുപേര്‍ കൂടി പിടിയിലാകാനുള്ളതായി പൊലീസ് അറിയിച്ചു.
