കൊല്ലം പോരുവഴിയില്‍ കനത്ത മഴയെത്തുടര്‍ന്ന് വീടിന്റെ അടുക്കള പൂര്‍ണ്ണമായും ഇടിഞ്ഞുവീണു. പോരുവഴി കമ്പലടിയിലാണ് സംഭവം നടന്നത്. കമ്പലടി മൂലശേരില്‍ സുരയുടെ വീടിന്റെ അടുക്കളയാണ് പൂര്‍ണ്ണമായും ഇടിഞ്ഞുവീണത്.
അടുക്കളയുടെ ചിമ്മിനിയും, ഭിത്തിയും ഉള്‍പ്പെടെ തകര്‍ന്നുവീണു. ഈ സമയം കുടുംബം പുറത്തായിരുന്നതിനാലാണ് വലിയ അപകടം ഒഴിവായത്.വീടിന്റെ ഭിത്തികള്‍ വിള്ളല്‍ വീണ് വീട് പൂര്‍ണ്ണമായും ഏതു നിമിഷവും നിലംപൊത്താവുന്ന അവസ്ഥയിലാണ്.
