ഉരുള്പൊട്ടല് ദുരന്ത മേഖലയായ മുണ്ടക്കൈ , ചൂരല്മല മേഖകളില് സേവനം ചെയ്യാന് എത്തുന്ന സന്നദ്ധ പ്രവര്ത്തകര്ക്ക് രജിസ്ട്രേഷന് നിര്ബന്ധമാക്കി. ഇന്ന് രാവിലെ 6.30 മുതല് ചൂരല്മല കണ്ട്രോള് റൂമിന് സമീപം റവന്യു വകുപ്പിന്റെ രജിസ്ട്രേഷന് കൗണ്ടര് പ്രവർത്തനം ആരംഭിച്ചു .
ഇവിടെയുള്ള കൗണ്ടറില് രജിസ്റ്റര് ചെയ്യുന്നവരെ മാത്രമാണ് ദുരന്ത മേഖലയിലേക്ക് കടത്തിവിടുക. സംഘങ്ങളായി വരുന്ന സന്നദ്ധ സേവകര് ടീം ലീഡറുടെ പേര് വിലാസം രജിസ്റ്റര് ചെയ്താല് മതിയാകും.
