കണ്ണൂര്‍ തലശ്ശേരിയില്‍ ഊഞ്ഞാല്‍ കെട്ടിയ കല്‍ത്തൂണ്‍ ഇളകി ദേഹത്ത് വീണ് പതിനാലുകാരന് ദാരുണാന്ത്യം. തലശ്ശേരി പാറാല്‍ ചൈത്രം വീട്ടില്‍ കെ.പി.ശ്രീനികേതാണ് മരിച്ചത്. തിരുവങ്ങാട് വലിയ മാടാവില്‍ സ്കൂളിലെ ഏഴാം ക്ലാസ് വിദ്യാര്‍ത്ഥിയാണ് ശ്രീനികേത്. വെള്ളിയാഴ്ച വൈകിട്ട് ആറ് മണിയോടെയായിരുന്നു അപകടം.
പാലയാട് ഹയര്‍ സെക്കന്ഡറി സ്‌കൂള്‍ അദ്ധ്യാപകന്‍ മഹേഷിന്റെയും വലിയ മാടാവില്‍ സ്‌കൂള്‍ അധ്യാപിക സുനിലയുടെയും മകനാണ് ശ്രീനികേത് . സഹോദരി ലക്ഷ്മി നന്ദ - തലശേരി സെന്റ് ജോസഫ് പ്ലസ് ടു വിദ്യാര്‍ത്ഥിനിയാണ്.
