ചാർജ് ചെയ്യാൻ വേണ്ടി ഓട്ടോറിക്ഷയിൽ വെച്ച മൊബൈൽ ഫോൺ മോഷണം പോയതായി പരാതി. മലപ്പുറം വണ്ടൂരാണ് സംഭവം. കോക്കാടൻകുന്ന് സ്വദേശി ബഷീറിന്റെ മൊബൈൽ ഫോൺ ആണ് നഷ്ടപ്പെട്ടത്. പുലർച്ചെ മൂന്നു മണിയോടെ ആയിരുന്നു സംഭവം.
രാത്രിയിൽ ഓട്ടം നടത്തുന്നതിനിടെ മൊബൈൽ ചാർജിംഗിന് വെച്ച് കൂട്ടുകാരുമൊത്ത് സംസാരിച്ചിരിക്കുന്നതിനിടെയായിരുന്നു മോഷണം.CCTV ദൃശ്യങ്ങൾ പരിശോധിച്ചെങ്കിലും മോഷ്ടാവിൻ്റെ മുഖം വ്യക്തമല്ല. ബഷീറിൻ്റ പരാതിയിൽ പോലീസ് അന്വേഷണം തുടങ്ങി.
