വയോധികയുടെ സ്വർണമാല പൊട്ടിച്ച് ബൈക്കിൽ കടന്നുകളഞ്ഞ കേസിലെ പ്രതി പിടിയിൽ. തൃശ്ശൂര്‍ കാളത്തോട് സ്നേഹതീരം പുത്തൻപുരക്കൽ വീട്ടില്‍ 47 വയസ്സുള്ള സുനിൽ ജോസഫ് ആണ് മണ്ണുത്തി പോലീസിന്റെ പിടിയിലായത്.
ഇക്കഴിഞ്ഞ നവംബർ 14ന് വൈകീട്ട് 7 മണിക്കായിരുന്നു കേസിനാസ്പദമായ സംഭവം. വീട്ടിൽ വയോധികയല്ലാതെ മറ്റാരുമില്ലാത്ത സമയത്തായിരുന്നു മോഷണം. വാതിലിൽ തട്ടിവിളിക്കുകയും, തുറന്നപ്പോള്‍ കഴുത്തിലെ മൂന്ന് പവനിലധികം തൂക്കമുള്ള മാല പറിച്ചെടുത്ത് ബൈക്കിൽ കടന്നുകളയുകയുകയായിരുന്നു. സിസിടിവി ക്യാമറകൾ കേന്ദ്രീകരിച്ച് നടത്തിയ അന്വേഷണമാണ് പ്രതിയെ കുടുക്കിയത്.മണ്ണുത്തി പോലീസും , സിറ്റി പോലീസ് കമ്മീഷണറുടെ നേതൃത്വത്തിലുള്ള പ്രത്യേക ടീമും ചേർന്നാണ് പ്രതിയെ പിടികൂടിയത്.
