തിരുവനന്തപുരം അമ്പൂരിയിലെ കാരിക്കുഴിയിൽ നിന്ന് ഇന്നലെ മയക്കുവെടിവെച്ച് പിടികൂടിയ പുള്ളി പുലി ചത്തു. നെയ്യാർ ലയൺ സഫാരി പാർക്കിലെ കേജിൽ എത്തിച്ച പുലി ചികിത്സയ്ക്കിടെയാണ് ചത്തത്. പുലിയുടെ പോസ്റ്റ്മോർട്ടം നടത്തി,ശരീരം ലയൺ സഫാരി പാർക്കിൽ സംസ്കരിച്ചു. പുലിക്ക് നാലു വയസ് പ്രായം ഉണ്ട്. വലയിൽ കുടുങ്ങിയ പുലിയുടെ പരുക്ക് ഗുരുതരമായിരുന്നുവെന്നും വെറ്റിനറി ഡോക്ടർ അരുൺ കുമാർ പറഞ്ഞു. പുലിയുടെ ആന്തരിക അവയവങ്ങൾക്ക് പരുക്കേറ്റിരുന്നുവെന്ന് പോസ്റ്റുമോർട്ടം റിപ്പോർട്ടിലുണ്ട്. പുലിക്കുട്ടിയുടെ ശരീരത്തിൽ പിടികൂടുമ്പോൾ തന്നെ പല ഭാഗങ്ങളിലും മുറിവുകൾ ഉണ്ടായിരുന്നു.
