കൊച്ചി: വാഹനയാത്രികരെയും ആളുകളെയും ഞെട്ടിച്ചുകൊണ്ട് ടൗണിലൂടെ ബൈക്കിൽ യുവാവിന്റെ നഗ്നയാത്ര. പുലർച്ചെ ഒരു മണിയോടെ പെരുമ്പാവൂർ ടൗണിലൂടെയായിരുന്നു സംഭവം. പെരുമ്പാവൂരിൽ നിന്നും ആലുവ റൂട്ടിലേക്കാണ് യുവാവ് വിവസ്ത്രനായി വാഹനമോടിച്ചത്. ഷൂ മാത്രമായിരുന്നു യുവാവ് ധരിച്ചിരുന്നത്.
ബൈക്കിന് പിന്നിലുണ്ടായിരുന്ന വാഹനയാത്രികർ പകർത്തിയ ദൃശ്യങ്ങൾ വ്യാപകമായി പ്രചരിച്ചതോടെയാണ് സംഭവം പുറത്തറിയുന്നത്. വാഹനമോടിച്ചത് ആരാണെന്ന് വ്യക്തത വന്നിട്ടില്ലെന്നാണ് വിവരം. സംഭവത്തിൽ പൊലീസും മോട്ടോർ വാഹനവകുപ്പും അന്വേഷണം ആരംഭിച്ചിട്ടുണ്ട്.
