തൃശ്ശൂര്‍ ഇരിങ്ങാലക്കുടയില്‍ കെട്ടിടത്തില്‍ നിന്ന് വീണ് നിർമാണ തൊഴിലാളിയ്ക്ക് ദാരുണാന്ത്യം.മാള പൊയ്യ സ്വദേശി പഴയില്ലത്ത് വിപിൻ(46) ആണ് മരിച്ചത്.രാവിലെ ആയിരുന്നു അപകടം.ഇരിങ്ങാലക്കുട മാര്‍ക്കറ്റ് റോഡില്‍ കിഴക്കേപള്ളിയ്ക്ക് എതിര്‍വശത്തായുള്ള കടമുറികളുടെ നിർമാണത്തിനിടെ ആയിരുന്നു അപകടം.
ഒന്നാം നിലയുടെ മുകളില്‍ നിന്നും വിപിന്‍ താഴെയ്ക്ക് വീഴുകയായിരുന്നു.തൊട്ടടുത്ത് ഉണ്ടായിരുന്ന മതിലില്‍ തല ഇടിച്ച് ആണ് വിപിന്‍ വീണത്. അപകടത്തില്‍ ഗുരുതര പരിക്കേറ്റ വിപിനെ ഇരിങ്ങാലക്കുടയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചു.മൃതദേഹം പോസ്റ്റ്മാര്‍ട്ടം നടപടികള്‍ക്കായി ഇരിങ്ങാലക്കുട ജനറല്‍ ആശുപത്രിയിലേയ്ക്ക് മാറ്റി.ഇരിങ്ങാലക്കുട പോലീസ് മേല്‍നടപടികള്‍ സ്വീകരിച്ചു.
