തൃശ്ശൂര്‍ പഴുന്നാനയില്‍ 160 ലിറ്റര്‍ വാഷ് കുന്നംകുളം റെയിഞ്ച് എക്സൈസ് സംഘം പിടികൂടി നശിപ്പിച്ചു. ഓണം സ്‌പെഷ്യല്‍ ഡ്രൈവിനോടനുബന്ധിച്ച് പരിശോധന നടത്തുന്നതിനിടെ കുന്നംകുളം റെയിഞ്ച് എക്സൈസ് ഇന്സ്പെക്ടര് മണികണ്ഠന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് വാഷ് പിടികൂടിയത്.
സംഭവത്തില്‍ വാഷ് നിര്‍മിച്ച ആളെക്കുറിച്ച് വ്യക്തമായ സൂചന ലഭിച്ചതായും പ്രതിയെ ഉടന്‍ പിടികൂടുമെന്നും എക്സൈസ് ഉദ്യോഗസ്ഥര്‍ അറിയിച്ചു. വരും ദിവസങ്ങളിലും മേഖലയില്‍ പരിശോധന ശക്തമാക്കുമെന്ന് എക്സൈസ് ഉദ്യോഗസ്ഥര്‍ പറഞ്ഞു.
