ആലപ്പുഴ: 71-ാമത് നെഹ്റുട്രോഫി വള്ളംകളിയിൽ ജലരാജാവായി വീയപുരം ചുണ്ടന്. പുന്നമടക്കായലിൽ ഹീറ്റ്സിൽ മികച്ച സമയം കുറിച്ച നടുഭാഗം, നിരണം, മേല്പ്പാടം, വീയപുരം ചുണ്ടന് വള്ളങ്ങളാണ് ഫൈനലില് ഏറ്റുമുട്ടിയത്.മൂന്നാം ഹീറ്റ്സില് ഒന്നാമതെത്തിയാണ് മേല്പ്പാടം പള്ളാത്തുരുത്തി ബോട്ട് ക്ലബ്ബ് ഫൈനലിലേക്ക് മുന്നേറിയത്. നാലാം ഹീറ്റ്സില് നടുഭാഗം ചുണ്ടനും അഞ്ചാം ഹീറ്റ്സില് പായിപ്പാടന് ചുണ്ടനുമാണ് ഒന്നാമതെത്തിയത്. ആറാം ഹീറ്റ്സില് മുന്നിലെത്തിക്കൊണ്ടാണ് വീയപുരത്തിന്റെ ഫൈനല് പ്രവേശം.ആദ്യ ഹീറ്റ്സില് കാരിച്ചാല് ഒന്നാമതെത്തിയെങ്കിലും ഫൈനല് കാണാതെ പുറത്താകുകയായിരുന്നു.
ഫൈനലിലെത്തിയ ചുണ്ടന്വള്ളങ്ങള് ഹീറ്റ്സില് ഫിനിഷ് ചെയ്ത സമയം
നടുഭാഗം- 4.20.904
മേല്പ്പാടം- 4.22.123
വീയപുരം- 4.21.810
നിരണം- 4.21.269
21 ചുണ്ടൻ ഉൾപ്പെടെ 75 വള്ളങ്ങളാണ് 71-ാമത് നെഹ്റുട്രോഫിക്കുവേണ്ടി മത്സരിച്ചത്.
