തൃശൂര്‍ കുറുക്കന്‍പാറയില്‍ യുവാവിനെ ആക്രമിച്ച് കൊലപ്പെടുത്താന്‍ ശ്രമിച്ച കേസില്‍ ഒരാളെ കുന്നംകുളം പൊലീസ് അറസ്റ്റ് ചെയ്തു. മല്ലാട് സ്വദേശി മന്‍സൂറാണ് പിടിയിലായത്.
കഴിഞ്ഞ ഒക്ടോബര്‍ 31നാണ് തൃശൂര്‍ കുന്നംകുളം കുറുക്കന്‍പാറ സ്വദേശി മണ്ടുമ്പാല്‍ വീട്ടില്‍ ഷിബുവിനെ രണ്ടംഗസംഘം ആക്രമിച്ച് കൊലപ്പെടുത്താന്‍ ശ്രമിച്ചത്. പ്രഭാത നടത്തത്തിന് ഇറങ്ങിയ ഷിബുവിനെ ബൈക്കിലെത്തിയ 2പേര് ആക്രമിച്ച് കടന്നു കളയുകയായിരുന്നു.
അക്രമണത്തില്‍ കണ്ണിന് താഴെ കുത്തേറ്റ ഷിബുവിന്റെ എല്ലിന് പൊട്ടലുണ്ട്. കുന്നംകുളം പൊലീസ് നടത്തിയ അന്വേഷണത്തിലാണ് പ്രതി മല്ലാട് സ്വദേശി മന്‍സൂര്‍ പിടിയിലായത്. കേസില്‍ ഒരാളെ കൂടി അറസ്റ്റ് ചെയ്യാനുണ്ടെന്ന് അന്വേഷണസംഘം അറിയിച്ചു.
