വിനോദസഞ്ചാരികളുടെ മനം കവർന്ന് ഓലിയരുക് വെള്ളച്ചാട്ടം. കൊല്ലം ജില്ലയിലെ ഏരൂർ പഞ്ചായത്തിന്റെ ആർച്ചലിലാണ് ആകർഷണീയമായ ഈ വെള്ളച്ചാട്ടമുള്ളത്. കൊല്ലം ജില്ലയിലെ അഞ്ചൽ പുനലൂർ റോഡിൽ മാവിള ജംഗ്ഷനിൽ നിന്നും മൂന്നു കിലോമീറ്റർ മാത്രം സഞ്ചരിച്ചാൽ ഓലിയരുക് വെള്ളച്ചാട്ടത്തിൽ എത്താൻ കഴിയും . ഇവിടെയെത്തുന്ന വിനോദസഞ്ചാരികളുടെ മനം കവരുന്ന കാഴ്ചയാണ് ഇവിടെ കാത്തിരിക്കുന്നത്. പ്രകൃതി ഭംഗി ആസ്വദിക്കുന്നതിനോടൊപ്പം തട്ടുതട്ടുകളായി ഒഴുകുന്ന വെള്ളച്ചാട്ടം ഇവിടെ എത്തുന്നവർക്ക് പുതിയൊരു അനുഭവമാണ്.
അധികമാരും അറിഞ്ഞിട്ടില്ലാത്ത മനോഹരമായ ഈ വെള്ളച്ചാട്ടം കാണുവാൻ ഇപ്പോൾ സഞ്ചാരികൾ എത്തിത്തുടങ്ങിയിട്ടുണ്ട്. അവധിക്കാലങ്ങളിൽ നിരവധി സഞ്ചാരികളാണ് ഇവിടെ എത്തുന്നത്. ഓലിയരുക് വെള്ളച്ചാട്ടത്തിൽ എത്തുന്നവർക്ക് അടിസ്ഥാന സൗകര്യങ്ങൾ ഒരുക്കുവാൻ ഏരൂർ പഞ്ചായത്തിന്റെയും ടൂറിസം വകുപ്പിന്റെ നേതൃത്വത്തിൽ വിവിധ പദ്ധതികളുടെ നിർമാണവും ആരംഭിച്ചിട്ടുണ്ട്.
