തൃശ്ശൂര് ചാലക്കുടി മേലൂരില് നിയന്ത്രണം വിട്ട ബെെക്ക് അഞ്ചടിയോളം താഴ്ചയുള്ള പാടശേഖരത്തിലേക്ക് വീണ് യുവാവ് മരിച്ചു. ചാലക്കുടി വി ആർ പുരം സ്വദേശി 23 വയസ്സുള്ള ബിനു ആണ് മരിച്ചത്. കുന്നപ്പിള്ളിയിലെ സുഹൃത്തിൻ്റെ വീട്ടിൽ പോയി തിരികെ മടങ്ങുമ്പോഴായിരുന്നു അപകടം. ഇന്ന് രാവിലെ ആറോടെ നാട്ടുകാരാണ് മൃതദേഹം കണ്ടെത്തിയത്. കൊരട്ടി പോലീസ് സ്ഥലത്തെത്തി മൃതദേഹം ചാലക്കുടി താലൂക്ക് ആശുപത്രി മോർച്ചറിയിലേക്ക് മാറ്റി.
