ഇൻസ്റ്റഗ്രാം വഴി വിദ്വേഷ പ്രചാരണം നടത്തിയ യുവാവ് അറസ്റ്റില്‍. കോഴിക്കോട് താമരശ്ശേരി ആലിക്കുന്നുമ്മലിലെ പി.കെ.അഭിജയിനെയാണ് പൊലീസ് അറസ്റ്റ് ചെയ്തത്. ഇക്കഴിഞ്ഞ 5 നാണ് കേസിനാസ്പദമായ സംഭവം നടന്നത്.
താമരശ്ശേരി കാരാടി ജുമാ മസ്ജിദിൽ അതിക്രമിച്ചു കയറിയ അഭിജയ് വിദ്വേഷ പരാമർശങ്ങൾ നടത്തി വീഡിയോ ചിത്രീകരിക്കുകയായിരുന്നു . സൈബർ സെല്ലിന്റെ സഹായത്തോടെയാണ് പ്രതിയെ കണ്ടെത്തിയത്.
താമരശ്ശേരി പൊലീസ് ഇൻസ്പെക്ടർ കെ.ഒ.പ്രദീപിൻ്റെ നേതൃത്വത്തിലാണ് അഭിജയിയെ അറസ്റ്റ് ചെയ്തത്. ഐ.പി.സി 153 (എ) വകുപ്പ് പ്രകാരമാണ് കേസെടുത്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. തുടർന്ന് പൊലീസ് സർവ്വകക്ഷി സമാധാന യോഗവും ചേർന്നു.
