പത്തനംതിട്ട: പയ്യനാമണ് ചെങ്കുളം പാറമടയില് പാറ അടര്ന്ന് വീണ അപകടത്തിൽ മൂന്ന് മണിക്കൂറിനു ശേഷം ഒരാളുടെ മൃതദേഹം കണ്ടെത്തി. വലിയ പാറക്കല്ല് മാറ്റിയപ്പോഴാണ് മൃതദേഹം കണ്ടെത്തിയത്. ഹെല്പ്പറുടെ മൃതദേഹമാണ് കണ്ടെത്തിയത്. അപകടത്തിൽപ്പെട്ട ഒരാളുടെ കാലുകൾ പാറക്കെട്ടിനിടയിൽ കണ്ടിരുന്നു. തുടർന്ന് ഇവിടെ നടത്തിയ തിരച്ചിലിൽ ആണ് മൃതദേഹം കണ്ടെത്തിയത്.ഇതര സംസ്ഥാന തൊഴിലാളിയായ മഹാദേശ് ആണെന്നാണ് വിവരം.
രണ്ടാമത്തെയാളെ കണ്ടെത്താനുള്ള രക്ഷാദൗത്യം തുടരുകയാണ്. ഹിറ്റാച്ചി ഉപയോഗിച്ച് പാറക്കല്ലുകള് മാറ്റിയപ്പോഴാണ് മൃതശരീരം ലഭിച്ചത്.
