പാലക്കാട് വാണിയംമ്പാറ നീലിപ്പാറയ്ക്കു സമീപം ദേശീയപാതയിൽ കാറിടിച്ച് രണ്ടു വിദ്യാർത്ഥികൾ മരിച്ചു. പത്താം ക്ലാസ് വിദ്യാർഥികളായ അഞ്ചു മൂർത്തി സ്വദേശി ഇസാൻ ഇക്ബാൽ, മംഗലം സ്വദേശി മുഹമ്മദ് റോഷൻ എന്നിവരാണ് മരിച്ചത്.
ഇന്ന് (18-10-2024) ഉച്ചയ്ക്ക് ഒന്നരയോടെയായിരുന്നു അപകടം.വാണിയമ്പാറയിലെ പള്ളിയിൽ നിസ്കരിച്ച് സ്കൂളിലേക്ക് മടങ്ങുകയായിരുന്നു വിദ്യാർഥികൾ. ഇതിനിടെ തൃശ്ശൂർ ഭാഗത്തു നിന്ന് വരികയായിരുന്ന കാർ കുട്ടികളെ ഇടിക്കുകയായിരുന്നു.
അപകടം കണ്ട് ഓടിക്കൂടിയവർ ചേർന്ന് കുട്ടികളെ തൃശ്ശൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
