തൃശൂര്: മറ്റത്തൂര് ഗ്രാമപഞ്ചായത്തിൽ കോൺഗ്രസ് അംഗങ്ങൾ പാർട്ടിയിൽ നിന്ന് കൂട്ടമായി രാജിവച്ച് ബിജെപിക്കൊപ്പം ചേര്ന്ന് കോണ്ഗ്രസ് വിമതയെ പ്രസിഡന്റാക്കിയ സംഭവത്തിൽ കൂട്ട നടപടിയുമായി കോണ്ഗ്രസ് ജില്ലാ നേതൃത്വം. ബിജെപി പാളയത്തിലെത്തിയ എട്ട് അംഗങ്ങള് അടക്കം പത്തുപേരെ കോണ്ഗ്രസ് പാര്ട്ടിയിൽ നിന്ന് പുറത്താക്കി.
തൃശൂര് ചൊവ്വന്നൂര് ഗ്രാമപഞ്ചായത്തിൽ എസ്ഡിപിഐ പിന്തുണയിൽ പ്രസിഡന്റായ എഎം നിധീഷിനെയും കോണ്ഗ്രസ് പുറത്താക്കി. തൃശൂര് ഡിസിസി പ്രസിഡന്റ് ജോസഫ് ടാജറ്റാണ് അംഗങ്ങളെ പുറത്താക്കികൊണ്ടുള്ള നടപടിയെടുത്തത്. മറ്റത്തൂരിൽ കോണ്ഗ്രസ് പാര്ട്ടിയിൽ നിന്ന് രാജിവെച്ച എട്ട് അംഗങ്ങളെയും ബിജെപിയൊടൊപ്പം ചേര്ന്ന് പ്രസിഡന്റായ കോണ്ഗ്രസ് വിമത ടെസി കല്ലറക്കലിനെയും അടക്കമാണ് പുറത്താക്കിയത്. ഇതോടൊപ്പം മറ്റത്തൂരിൽ ഇടതുപക്ഷത്തിനൊപ്പം നിൽക്കാൻ ശ്രമിച്ച കെ ആർ ഔസേപ്പിനെയും പുറത്താക്കി.
