മലപ്പുറം താനൂരില് പ്രായപൂര്ത്തിയാകാത്ത കുട്ടികളെ കാണാതായ സംഭവത്തില് ഒപ്പം യാത്ര ചെയ്ത യുവാവ് അറസ്റ്റില്. എടവണ്ണ സ്വദേശി ആലുങ്ങല് അക്ബര് റഹീമിനെയാണ് പൊലീസ് അറസ്റ്റ് ചെയ്തത്. കുട്ടികളെ തട്ടികൊണ്ട് പോകല്,മൊബൈല് ഫോണ് ഉപയോഗിച്ച് പിന്തുടരല് തുടങ്ങിയ കുറ്റങ്ങളാണ് പ്രതിക്ക് എതിരെ ചുമത്തിയിരിക്കുന്നത്. കുട്ടികള് മുംബൈയിലെ ബ്യൂട്ടി പാര്ലറില് എത്തിയത് യാദൃശ്ചികമെന്നും പൊലീസ് കണ്ടത്തിയിട്ടുണ്ട്.പെണ്കുട്ടികള്ക്കൊപ്പം കോഴിക്കോട് നിന്നും മുംബൈയിലേക്ക് യാത്ര ചെയ്ത അക്ബര് റഹീമിനെ ഇന്ന് രാവിലെ അഞ്ച് മണിയോടെ തിരൂരില് റെയില്വെ സ്റ്റേഷനില് നിന്നാണ് പൊലീസ് കസ്റ്റഡിയില് എടുത്തത്. താനൂര് ഡി വൈ എസ് പിയുടെ നേതൃത്വത്തില് യുവാവിനെ ചോദ്യം ചെയ്ു. കുട്ടികളെ യുവാവ് എങ്ങനെയാണ് സഹായിച്ചത് എന്നാണ് പൊലീസ് പരിശോധിച്ചത്.അതേസമയം, കുട്ടികളുമായി പൊലീസ് സംഘം തിരൂരിലെത്തി. ഗരിബ് എക്സ്പ്രസില് 12 മണിക്കാണ് പെണ്കുട്ടികളും സംഘവും തിരൂര് റെയില്വേ സ്റ്റേഷനില് എത്തിയത്.
