സുല്ത്താന് ബത്തേരി: ഓട്ടോറിക്ഷ മറിഞ്ഞുണ്ടായ അപകടത്തില് ബാലിക മരിച്ചു. നായ്ക്കട്ടി പിലാക്കാവ് ഊരാളി ഉന്നതിയിലെ രാജേഷ് - സുമ ദമ്പതികളുടെ മകള് രാജലക്ഷ്മി (2) ആണ് മരിച്ചത്. ഇന്ന് രാവിലെ എട്ടുമണിയോടെ സുല്ത്താന്ബത്തേരി കോട്ടക്കുന്നിന് സമീപമാണ് അപകടമുണ്ടായത്.
കോട്ടക്കുന്നില് വെച്ച് ഒരു കാര് യു ടേണ് എടുക്കുന്നതിനിടെ ഓട്ടോറിക്ഷയിലിടിക്കുകയായിരുന്നുവെന്നാണ് ദൃക്സാക്ഷികള് പറഞ്ഞത്. രക്ഷിതാക്കളുടെ മടിയിലിരുന്ന കുട്ടി വാഹനത്തിനടിയില്പ്പെടുകയായിരുന്നു. ഈ വാഹനം നായ്ക്കെട്ടിയില് നിന്ന് സുല്ത്താന് ബത്തേരി നഗരത്തിലേക്ക് വരുന്നതിനിടെയാണ് അപകടം.
ഇരുളത്തെ ബന്ധുവീട്ടിലേക്ക് മാത പിതാക്കള്ക്കും സഹോദരങ്ങള്ക്കുമൊപ്പം പോകുന്ന വഴിയായിരുന്നു അപകടം. അര്ജുനന്, രാജേശ്വരി എന്നിവര് സഹോദരങ്ങളാണ്. അപകടത്തില് മറ്റാര്ക്കും വലിയ പരിക്കുകളേറ്റിട്ടില്ല.
