ആലുവ എടത്തല ഭാരത് മാതാ ലോ കോളേജില്‍ മഹാത്മാഗാന്ധിയുടെ പ്രതിമയെ എസ്എഫ്ഐ വിദ്യാര്‍ത്ഥി നേതാവ് അപമാനിച്ചതായി പരാതി. പ്രതിമയുടെ മുഖത്തു കൂളിംഗ് ഗ്ലാസ് വെച്ച് ദൃശ്യം സോഷ്യല്‍ മീഡിയ വഴി പ്രചരിപ്പിച്ചു. കോളേജിലെ എസ് എഫ് ഐ യൂണിറ്റ് സെക്രട്ടറിയും ആലുവ ഏരിയ കമ്മിറ്റി അംഗവുമായ അദീന്‍ നാസറാണ് രാഷ്ട്രപിതാവിനെ അപമാനിച്ചത്. ഗാന്ധിജി എന്തായാലും മരിച്ചതല്ലേ എന്ന് പറയുന്നതും വീഡിയോയില്‍ വ്യക്തമാണ്. എസ്എഫ്ഐ നേതാവിനെതിരെ നടപടിയാവശ്യപ്പെട്ട് കെഎസ്‌യു പൊലീസില്‍ പരാതി നല്‍കി.
