തൃശ്ശൂര്‍ കൊടുങ്ങല്ലൂരിൽ പോലീസിന്റെ വൻ കഞ്ചാവ് വേട്ട..ലോറിയിൽ കടത്തുകയായിരുന്ന 130 കിലോയോളം കഞ്ചാവ് പിടികൂടി.സംഭവത്തില്‍ അന്തിക്കാട് സ്വദേശികളായ രണ്ട് പേര് അറസ്റ്റില്‍..
ലോറിയിലുണ്ടായിരുന്ന അന്തിക്കാട് സ്വദേശികളായ അനൂസൽ, ശരത് എന്നിവരാണ് അറസ്റ്റിലായത്.തൃശൂർ റൂറൽ പോലീസ് ഡാൻസാഫ് സംഘവും, കൊടുങ്ങല്ലൂർ പൊലീസും ചേർന്ന് നടത്തിയ സംയുക്ത പരിശോധനയിലാണ് കഞ്ചാവ് കണ്ടെത്തിയത്..നാഷ്ണൽ പെർമിറ്റ് ലോറിയിൽ രഹസ്യ അറയിൽ സൂക്ഷിച്ച നിലയിലായിരുന്നു കഞ്ചാവ്.
നിരവധി പ്ളാസ്റ്റിക് പാക്കറ്റുകളിലാക്കിയാണ് കഞ്ചാവ് കടത്തിയത്.. പുലർച്ചെ അഞ്ച് മണിയോടെ തെക്കെ നടയിലെ കുരുംബയമ്മയുടെ നടക്ക് സമീപമാണ് സംഭവം..രഹസ്യവിവരത്തെ തുടർന്ന് നടത്തിയ വാഹന പരിശോധനയിലാണ് ഇടുക്കി റജിസ്ട്രേഷനിലുള്ള ലോറി പിടിയിലായത്..
ഒഡീഷയിൽ നിന്നും നിരവധി ചെക്ക് പോസ്റ്റുകൾ താണ്ടിയാണ് ലോറി ഇവിടെ വരെ എത്തിയത്. ഒഡീഷയില്‍ എവിടെ നിന്നുമാണ് കഞ്ചാവ് വാങ്ങിയതെന്നും എവിടേക്കാണ് കൊണ്ടു പോയിരുന്നതെന്നും ഉള്‍പ്പടെയുള്ളവയെ കുറിച്ച് അന്വേഷണം ആരംഭിച്ചതായി പോലീസ് അറിയിച്ചു.
