കൊച്ചി: കോതമംഗലത്തെ യുവതി ആത്മഹത്യ ചെയ്ത സംഭവം ദേശീയ അന്വേഷണ ഏജന്സി (എന്ഐഎ) അന്വേഷിക്കണമെന്നാവശ്യപ്പെട്ട് കുടുംബം രംഗത്ത്. ഈ ആവശ്യമുന്നയിച്ച് യുവതിയുടെ അമ്മ മുഖ്യമന്ത്രിയ്ക്കും ഡിജിപിയ്ക്കും കത്ത് നല്കി. നിലവില് മൂവാറ്റുപുഴ ഡിവൈഎസ്പിയുടെ നേതൃത്വത്തിലുള്ള പത്തംഗസംഘമാണ് കേസ് അന്വേഷിക്കുന്നത്. യുവതിയുടെ ആത്മഹത്യകുറിപ്പ് കണ്ടെത്തിയ സാഹചര്യത്തില് ഗുരുതരമായ ആരോപണങ്ങളുമായി കുടുംബം രംഗത്ത് വന്നിരുന്നു.
മതപരിവര്ത്തനം ആവശ്യപ്പെട്ടുള്ള പീഡനം ഉള്പ്പെടെയുള്ള ആരോപണങ്ങള് യുവതിയുടെ ബന്ധുക്കള് ഉയര്ത്തിയിരുന്നു. മതപരിവര്ത്തനം ഉള്പ്പെടെയുള്ളവ നടന്നിട്ടുണ്ടോയെന്ന കാര്യത്തില് അന്വേഷണം വേണമെന്നും അതിനാല് കേസ് എന്ഐഎ അന്വേഷിക്കണമെന്നുമാണ് മുഖ്യമന്ത്രിയ്ക്കും ഡിജിപിയ്ക്കും നല്കിയ കത്തില് ആവശ്യപ്പെട്ടിരിക്കുന്നത്.
