കാസര്‍കോട് കുമ്പളയില്‍ നിരോധിത പുകയില ഉത്പന്നങ്ങളുമായി മധൂര്‍ ഹിദായത്ത് നഗര്‍ സ്വദേശി അബൂബക്കര്‍ സിദ്ദിഖ് പോലീസിന്റെ പിടിയിലായി. കാറില്‍ 12 ചാക്കുകളിലായി സൂക്ഷിച്ച നിലയിലായിരുന്നു പുകയില ഉത്പന്നങ്ങള്‍, ഇതിന് 5 ലക്ഷം രൂപ വില വരും.
കാസര്‍ഗോഡിന്റെ വിവിധ ഭാഗങ്ങളില്‍ വില്‍പ്പന നടത്താനാണ് ഉത്പന്നങ്ങള്‍ എത്തിച്ചത്. സിദ്ദിഖ് രണ്ടാം തവണയാണ് പുകയില ഉല്‍പ്പന്നങ്ങളുമായി പിടിയിലാവുന്നത്..കഴിഞ്ഞ ഏപ്രിലില്‍ മൂന്നുലക്ഷം രൂപയുടെ പുകയില ഉല്‍പ്പന്നങ്ങളുമായി ഇയാള്‍ പിടിയിലായിരുന്നു.
