തിരുവനന്തപുരം: മുതലപ്പൊഴിയില് വള്ളം മറിഞ്ഞ് രണ്ടുപേര് മരിച്ചു. അഞ്ചുതെങ്ങ് സ്വദേശി മൈക്കിള് (68), ചിറയിന്കീഴ് സ്വദേശി ജോസഫ് (43) എന്നിവരാണ് മരിച്ചത്. അഞ്ചുപേരാണ് വള്ളത്തില് ഉണ്ടായിരുന്നത്. മൂന്നുപേര് പരിക്കുകളോടെ രക്ഷപ്പെട്ടു. തിങ്കളാഴ്ച വൈകീട്ട് 6:40-ഓടെയായിരുന്നു അപകടം.മൈക്കിള് സംഭവസ്ഥലത്തുവെച്ച് തന്നെ മരിച്ചു.
ഗുരുതരമായി പരിക്കേറ്റ ജോസഫിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല. അഞ്ചുതെങ്ങ്, ചിറയിന്കീഴ് സ്വദേശികളായ മൈക്കിള്, ജോസഫ്, ജിനു, അനു, സുജിത്ത് എന്നിവരാണ് വള്ളത്തില് ഉണ്ടായിരുന്നത്.
